朱古力鬆餅@2007-12-30

獎門人整鬆餅很好味，特別係剛剛整好既時候，個表皮真係脆卜卜，朱古力又係熔熔地既狀態，真係好鬼正。

藍莓士多啤梨蛋糕@2007-12-17

呢個係我整俾獎門人既蛋糕，第一次焗個蛋糕既時候失敗左，呢個係第二個。自製既藍莓蓉都幾清甜，不過賣相比較差，所以我放左佢係中層。雖然話我係整，但係都要獎門人幫手落cream，哈。希望妳鍾意la。

朱古力慕絲蛋糕@2007-12-06

獎門人知我勁愛朱古力，所以整左呢個蛋糕慶祝我生日，又滑又香朱古力味，正。

青檸慕絲餅@2007-11-24

可能有時食得甜野太多，我地都幾鍾意整一些味道較清新既甜品，青檸慕絲餅便是其一。味道醒神，又滑，連續食好多塊都無問題。

特濃朱古力蛋糕@2007-11-11

我呢d朱古力怪，最愛就係朱古力，所以今次整呢個特濃朱古力蛋糕，就最適合。

牛油曲奇@2007-11-04

又整曲奇，因為實在太鍾意食，又容易做，多d來，密d手。

朱古力慕絲@2007-11-03

今次出訪，去左朋友屋企整甜品，簡簡單單咁做左呢個朱古力慕絲，一致好評。

焗栗子榛子蛋糕@2007-11-01

因為又想食栗子又想食榛子，又係網上見到呢個食譜，所以就整左呢個焗栗子榛子蛋糕。

呢個餅要焗好耐，我地第一次整，但係個效果已經幾好。栗子和榛子都係堅果類，雖然整碎哂，但係都口味十足。另外呢個蛋糕亦唔係好甜，感覺好健康。

美祿芝士蛋糕@2007-09-10

為慶祝我們的紀念日，獎門人造了兩個美祿芝士蛋糕，好特別，除左我鍾意之外，亦都好受到其他屋企人既歡迎，真係好。

蛋撻 @ 2007-8-19

今次整蛋撻由我做主力，獎門人只係負責影相同埋握撻皮。我地本身都比較鍾意食曲奇皮既蛋撻，食過最好食既就係芳叔蛋撻，今次第一次整，水準當然差好遠，但都幾好味。同埋今次又要整皮又要整蛋漿，好似好大型咁，幾好玩。

砵仔糕 @ 2007-8-10

獎門人第一次整砵仔糕，因為之前無準備，所以紅豆唔係咁淋。下次同埋我一齊整實會更好味。