Chocolate Concorde

呢個Chocolate Concorde超好味，表面那些粒粒，睇落好似好脆，但食落原來入口即化，同埋好甜~個蛋糕都係入口即融，中間有一層特濃朱古力漿，唔太甜，好正，混埋表層那些粒粒食，感覺就好似進入一個甜美夢境一樣，甜味在口中久久都未退卻，令人難忘。

朱古力拿破崙蛋糕

同芒果拿破崙一齊做既，不過轉用朱古力蛋糕和走芒果，是芒果拿破崙以外既另一種食法，好味呀！

芒果拿破崙蛋糕

呢個拿破崙，所有野都係我地一手做成。個幾層酥皮，要好有心機咁推平疊起好多次，先可以做到而家個酥脆效果，勁正。

芒果栗子脆脆蛋糕

今次用左好多芒果同埋栗子去整呢個蛋糕，中間既脆脆沾滿朱古力漿，獎門人重整埋花邊，絕對係精心傑作呀！

綠茶蛋糕@2008-03-25

獎門人呢排愈來愈愈鍾意食綠茶類製品，所以好耐之前買左包綠茶粉，今日終於有機會用到。獎門人話自己落重手左綠茶粉，所以綠茶味超強，食落好鬆軟。

Tiramisu@2008-03-16

獎門人上星期上堂先整完，今日預埋我再整多次。我第一次自製手指餅，原來係咁簡單，自己整既重好似俾買回來既更加吸味，正！

Tiramisu@2008-03-08

獎門人係上堂整既Tiramisu，特別之處係自製手指餅同埋用左cream cheese，又滑又香。

沙架蛋糕@2008-03-01

獎門人既一手寫字功夫係咪好勁呢？雖然唔似係維也納食個種，但係都很好味，超多朱古力。

歌劇院蛋糕@2008-02-10

次次整Opera都係因為俾我落左勁多漿，所以攪到個蛋糕超高，不過咁咪重好味，哈哈。

海綿蛋糕@2008-01-13

愈簡單就愈難整得好，但係我地整海綿蛋糕基本上都可以做到外脆內鬆既效果，味道亦都幾香，算係唔錯了。

藍莓士多啤梨蛋糕@2007-12-17

呢個係我整俾獎門人既蛋糕，第一次焗個蛋糕既時候失敗左，呢個係第二個。自製既藍莓蓉都幾清甜，不過賣相比較差，所以我放左佢係中層。雖然話我係整，但係都要獎門人幫手落cream，哈。希望妳鍾意la。

朱古力慕絲蛋糕@2007-12-06

獎門人知我勁愛朱古力，所以整左呢個蛋糕慶祝我生日，又滑又香朱古力味，正。

特濃朱古力蛋糕@2007-11-11

我呢d朱古力怪，最愛就係朱古力，所以今次整呢個特濃朱古力蛋糕，就最適合。

焗栗子榛子蛋糕@2007-11-01

因為又想食栗子又想食榛子，又係網上見到呢個食譜，所以就整左呢個焗栗子榛子蛋糕。

呢個餅要焗好耐，我地第一次整，但係個效果已經幾好。栗子和榛子都係堅果類，雖然整碎哂，但係都口味十足。另外呢個蛋糕亦唔係好甜，感覺好健康。