焗栗子榛子蛋糕@2007-11-01

因為又想食栗子又想食榛子，又係網上見到呢個食譜，所以就整左呢個焗栗子榛子蛋糕。

呢個餅要焗好耐，我地第一次整，但係個效果已經幾好。栗子和榛子都係堅果類，雖然整碎哂，但係都口味十足。另外呢個蛋糕亦唔係好甜，感覺好健康。

美祿芝士蛋糕@2007-09-10

為慶祝我們的紀念日，獎門人造了兩個美祿芝士蛋糕，好特別，除左我鍾意之外，亦都好受到其他屋企人既歡迎，真係好。

蛋撻 @ 2007-8-19

今次整蛋撻由我做主力，獎門人只係負責影相同埋握撻皮。我地本身都比較鍾意食曲奇皮既蛋撻，食過最好食既就係芳叔蛋撻，今次第一次整，水準當然差好遠，但都幾好味。同埋今次又要整皮又要整蛋漿，好似好大型咁，幾好玩。

砵仔糕 @ 2007-8-10

獎門人第一次整砵仔糕，因為之前無準備，所以紅豆唔係咁淋。下次同埋我一齊整實會更好味。

Opera @ 2007-8-5

今次係我第一次整Opera蛋糕，女友則是第二次。Opera蛋糕對形狀、大小、層數和材料都有好嚴格既標準，我地原本一於少理，但後期發現，跟足標準去製作，在最後關頭會較輕鬆。

簡單咁講，即是蛋糕要做得薄和形狀要正方形，兩個做法都可以有效咁簡化最後裝飾的步驟。

柚子茶大菜糕 @ 2007-7-23

大熱天時，整呢款甜品就最好，食落去涼浸浸，好舒服。

村料：

• 大菜10克
• 柚子茶醬3湯匙
• 糖4湯匙
• 水2杯半
• 檸檬汁2茶匙

做法：

1. 大茶剪碎浸軟
2. 水煮滾，加入大茶，慢火煮溶
3. 加入糖，煮溶後熄火
4. 加入柚子茶醬和檸檬汁
5. 倒入模內，雪冷後便可食

杏仁曲奇 @ 2007-7-15

今次整曲奇加入左杏仁碎，感覺專業左好多，勁好味，一食就停唔到。今次呢隻牛油幾好，好容易就搓到成形。

材料：

• 牛油125克
• 麵粉150克
• 糖霜50克
• 杏仁50克

做法：

1. 將牛油及糖霜混合
2. 加入麵粉，搓成麵團
3. 將杏仁打碎，加入麵團
4. 用你最愛既模，製造千奇百怪既形態，百六度焗十分鐘即可