蛋黃奶黃月餅

出街學整月餅，個皮好脆，好好食，自己整又可以整少D蛋黃，正！

Chocolate Concorde

呢個Chocolate Concorde超好味，表面那些粒粒，睇落好似好脆，但食落原來入口即化，同埋好甜~個蛋糕都係入口即融，中間有一層特濃朱古力漿，唔太甜，好正，混埋表層那些粒粒食，感覺就好似進入一個甜美夢境一樣，甜味在口中久久都未退卻，令人難忘。

朱古力拿破崙蛋糕

同芒果拿破崙一齊做既，不過轉用朱古力蛋糕和走芒果，是芒果拿破崙以外既另一種食法，好味呀！

芒果拿破崙蛋糕

呢個拿破崙，所有野都係我地一手做成。個幾層酥皮，要好有心機咁推平疊起好多次，先可以做到而家個酥脆效果，勁正。

牛油曲奇

新買左一個曲奇啤機，可以倒模咁啤曲奇飯，仲有成廿個款咁多，生產效率大增呀！！

栗子撻

為左要滿足瘋狂食栗子，所以整左呢個栗子撻，啖啖栗子，一次食到夠。

豆腐芝士撻

第一次整豆腐類甜品，味道清而不甜，好濃既豆漿味，配埋有杏仁味既撻就真係天作之合。不過唔知點解，個豆腐撻餡焗左超過廿分鐘先而凝固。

芒果栗子脆脆蛋糕

今次用左好多芒果同埋栗子去整呢個蛋糕，中間既脆脆沾滿朱古力漿，獎門人重整埋花邊，絕對係精心傑作呀！

柚子大菜糕

牛油波波曲奇

藍莓芝士蛋糕@2008-03-25

今次獎門人應朋友要求，一個人造左呢個蛋糕。有過第一次既經驗，今次控制火侯得較好，唔似上次咁個表面焦了。質感很滑，個皮同個心一脆一軟，很好味。獎門人覺得如果可以雪耐一點，令到個蛋糕硬身少少會更好。

綠茶蛋糕@2008-03-25

獎門人呢排愈來愈愈鍾意食綠茶類製品，所以好耐之前買左包綠茶粉，今日終於有機會用到。獎門人話自己落重手左綠茶粉，所以綠茶味超強，食落好鬆軟。

木糠布丁@2008-03-24

我第一次食木糠布丁已經深深咁愛上呢種咁鬼滑溜既甜品，個種質感令人好滿足。獎門人知道我鍾意食，所以專登係屋企一齊整。製作這款甜品既步驟很簡單，材料亦唔多，未雪到好硬同埋雪硬左都係一樣咁正。

Tiramisu@2008-03-16

獎門人上星期上堂先整完，今日預埋我再整多次。我第一次自製手指餅，原來係咁簡單，自己整既重好似俾買回來既更加吸味，正！